କରୋନା ଆକ୍ରାନ୍ତ ଉପଯୁକ୍ତ ମେଡିକାଲ ବ୍ୟବସ୍ଥା ସହିତ ଟ୍ୱିନ୍‌ ସିଟିକୁ ପ୍ରବେଶ କରନ୍ତୁ : ମୁଖ୍ୟ ଶାସନ ସଚିବ

ଭୁବନେଶ୍ୱର,୧୬|୦୯:    ଭୁବନେଶ୍ୱରରୁ ପ୍ରତିଦିନ ଅଧିକରୁ ଅଧିକ ପଜିଟିଭ୍ କେସ୍ ସାମ୍ନାକୁ ଆସୁଛି । ରାଜଧାନୀ ଭୁବନେଶ୍ୱର ସମେତ କଟକରେ କରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଉଛି ।ଏହାମଧ୍ୟରେ ଟ୍ୱିନ୍‌ ସିଟିକୁ ଆସୁଥିବା କୋଭିଡ୍‌ ରୋଗୀଙ୍କୁ ପରାମର୍ଶ ଦେଇଛନ୍ତି ମୁଖ୍ୟ ଶାସନ ସଚିବ । ମୁଖ୍ୟ ଶାସନ ସଚିବ ଅସିତ ତ୍ରିପାଠୀଙ୍କ ଟ୍ୱିଟ୍ କରି ଟ୍ବିନ୍‌ ସିଟିରେ କରୋନା ନିୟନ୍ତ୍ରଣ ନେଇ ସତର୍କ ପରାମର୍ଶ ଦେଇଛନ୍ତି । ବାହାରୁ ଟ୍ବିନ୍‌ ସିଟିକୁ ଆସୁଥିବା କରୋନା ରୋଗୀଙ୍କୁ ପରାମର୍ଶ ଦେଇଛନ୍ତି ମୁଖ୍ୟ ଶାସନ ସଚିବ । ସେ କହିଛନ୍ତି ଯେ, ଉପଯୁକ୍ତ ମେଡିକାଲ ବ୍ୟବସ୍ଥା ସହିତ ଟ୍ବିନ୍‌ ସିଟିକୁ ପ୍ରବେଶ କରିବେ ରୋଗୀ । ସାଙ୍ଗରେ ମେଡିକାଲ ଉପକରଣ ଓ ଅକ୍ସିଜେନ୍‌ ସପୋର୍ଟ ନେଇ ଆସିବେ ।  ଟ୍ବିନ୍‌ ସିଟିରେ ଅତ୍ୟାଧୁନିକ କୋଭିଡ୍‌ ବ୍ୟବସ୍ଥା କରାଯାଇଛି । ସାରା ରାଜ୍ୟର କରୋନା ରୋଗୀଙ୍କ ଚିକିତ୍ସା ପାଇଁ ବ୍ୟବସ୍ଥା ଗ୍ରହଣ କରାଯାଇଥିବା ମୁଖ୍ୟ ଶାସନ ସଚିବ କହୁଛନ୍ତି ।ମୁଖ୍ୟ ଶାସନ ସଚିବ ଆହୁରି ମଧ୍ୟ କହିଛନ୍ତି ଯେ ଅତୀତରେ ଏହି ବିଷୟ ପ୍ରତି ଅସାବଧାନତା ହେତୁ ରୋଗୀ ଗୁରୁତର ଭାବେ ପ୍ରଭାବିତ ହୋଇଛନ୍ତି । ଉପଯୁକ୍ତ ଚିକିତ୍ସା ସହାୟତା ଥିବା ରୋଗୀମାନଙ୍କର ରେଫରାଲ୍ ପଏଣ୍ଟରେ ରୋଗର ପରବର୍ତ୍ତୀ ପରିଚାଳନାରେ ସହାୟକ ହେବ ଏବଂ ସେମାନଙ୍କ ଜୀବନ ବଞ୍ଚାଇବ।ବର୍ତ୍ତମାନ ପରିସ୍ଥିତି ଯଦି ତିନି ଦିନ ଧରି ରୋଗୀଠାରେ କୌଣସି ଲକ୍ଷଣ ନ ଥିବ ତେବେ ନମୁନା ସଂଗ୍ରହ ତାରିଖରୁ ୧୦ ଦିନ ପରେ ରୋଗୀଙ୍କୁ କ୍ଲିନିକାଲ୍ ଡିସଚାର୍ଜ କରିବାକୁ ସରକାର ନିଷ୍ପତ୍ତି ନେଇଛନ୍ତି। ଏଠାରେ ଉତ୍ସର୍ଗୀକୃତ କୋଭିଡ୍ ଡାକ୍ତରଖାନାଗୁଡ଼ିକରେ ଶଯ୍ୟା ଅଭାବକୁ ଦୃଷ୍ଟିରେ ରଖି ଏହି ନିଷ୍ପତ୍ତି ନିଆଯାଇଛି |