ଗଞ୍ଜାମ,୬/୯(ମନୋଜ ପାତ୍ର):ଗଞ୍ଜାମ ଜିଲ୍ଲା ବେଗୁନିଆପଡ଼ା ବ୍ଲକ ଅନ୍ତର୍ଗତ ମର୍ଦ୍ଦକୋଟ ପଞ୍ଚାୟତ ମହୁରିଆ ସାହିରେ ଏକ ବିଷାକ୍ତ ସର୍ପ ଦଂଶନରେ ଜଣେ ଯୁବକଙ୍କ ମୃତ୍ୟୁ ଘଟିଛି ।ମୃତ୍ୟୁ ବରଣ କରିଥିବା ବ୍ୟକ୍ତି ଜଣକ ହେଲେ ମର୍ଦ୍ଦକୋଟ ମହୁରିଆ ସାହିର ଆନନ୍ଦ ପାତ୍ରଙ୍କ ପୁତ୍ର ରବିନ୍ଦ୍ର କୁମାର ପାତ୍ର (୪୫) ।ରବିବାର ଅପରାହ୍ନ ସମୟରେ ନିଜ କ୍ଷେତକୁ ଯାଇଥିବା ବେଳେ ଏକ ବିଷାକ୍ତ ସର୍ପ ତାଙ୍କୁ କାମୁଡି ଦେଇଥିଲା ।ଏହି ଘଟଣା ପରେ ଗ୍ରାମବାସୀଙ୍କ ତାଙ୍କ ପରିବାରଙ୍କୁ ଏହି ଘଟଣା ସମ୍ପର୍କରେ ଜଣାଇଥିଲେ ।ପରିବାର ଲୋକେ ଘଟଣା ସ୍ଥଳରେ ପହଞ୍ଚି ରବୀନ୍ଦ୍ରଙ୍କୁ ସଙ୍ଗେ ସଙ୍ଗେ ଖଲ୍ଲିକୋଟ ମେଡିକାଲକୁ ଚିକିତ୍ସା ନିମନ୍ତେ ନେଇଥିଲେ ।କିନ୍ତୁ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ଯ ହୋଇଥିବା ଜଣାପଡିଛି ।ପୋଲିସ ଶବକୁ ଜବତ କରିବା ସହ ଏକ ଅପମୃତ୍ୟୁ ମାମଲା ରୁଜୁ କରି ବ୍ଯବଚ୍ଛେଦ ନିମନ୍ତେ ପଠାଇଥିବା ଜଣାପଡିଛି ।ତେବେ ମୃତ୍ୟୁ ବରଣ କରିଥିବା ରବୀନ୍ଦ୍ରଙ୍କ ପରିବାର ବର୍ଗଙ୍କୁ ସରକାରୀ ସହାୟତା ପ୍ରଦାନ ନିମନ୍ତେ ଗ୍ରାମବାସୀ ପକ୍ଷରୁ ଦାବୀ କରାଯାଇଛି ।
129