ବିନା ଭକ୍ତରେ ଭୁବନେଶ୍ୱରରେ ଦୁର୍ଗା ପୂଜା

ଭୁବନେଶ୍ୱର : କରୋନା  କାରଣରୁ ଚଳିତ ବର୍ଷ  ଭୁବନେଶ୍ୱରରେ ବିନା ଭକ୍ତରେ  ଦୁର୍ଗା ପୂଜା ପାଳନ ହେବ । ବିନା ସାଜସଜ୍ଜା ରେ ମା’ ଦୁର୍ଗାଙ୍କ ପୂଜା କରାଯିବ । ପୂଜା ସମୟରେ ମଣ୍ଡପରେ ୧୦ରୁ ଅଧିକ ପୂଜା କମିଟି ସଦସ୍ୟ ସାମିଲ ହୋଇ ପାରିବେ ନାହିଁ  କି ଭକ୍ତମାନେ ମାଆଙ୍କୁ ପୂଜା କରିବା ପାଇଁ ମଣ୍ଡପକୁ ଆସି ପାରିବେ ନାହିଁ  । ଆଜି ପୁଲିସ କମିସନରେଟ୍ ପକ୍ଷରୁ ଭୁବନେଶ୍ବରର ବିଭିନ୍ନ ପୂଜା କମିଟିର କର୍ମକର୍ତ୍ତାଙ୍କ ସହିତ ଏକ ବୈଠକ କରାଯିବା ପରେ ଏହି ନିଷ୍ପତ୍ତି ନିଆଯାଇଛି। ଏହାସହ ଚଳିତ ବର୍ଷ ରାବଣ ପୋଡି ହେବ ନାହିଁ । ଏ ନେଇ ପୁଲିସ କମିଶନର ସୁଧାଂଶୁ ଷଡଙ୍ଗୀ ସୂଚନା ଦେଇଛନ୍ତି