ଚାନ୍ଦବାଲି: ଭଦ୍ରକ ଜିଲ୍ଲାର ଚାନ୍ଦବାଲି ତହସିଲଦାର ସୁଶାନ୍ତ ସୂତାର କରୋନା ପଜିଟିଭ ଚିହ୍ନଟ ହୋଇଥିବା ଜଣାଯାଇଛି। ଏନେଇ ଭଦ୍ରକ ଜିଲ୍ଲା ପ୍ରଶାସନ ପକ୍ଷରୁ ଟୁଇଟ୍ ଯୋଗେ ସୂଚନା ଦିଆଯାଇଛି।ଗତ ଲଗୁଚାପ ଜନିତ ବର୍ଷା ଓ ୩ଦିନ ଧରି ଲୋକମାନଙ୍କୁ ବନ୍ୟା ଅଞ୍ଚଳରୁ ସଚେତନ କରାଉଥିବା ଏବଂ ବନ୍ୟାଘେରରେ ଫସି ରହିଥିବା ବିପନ୍ନ ମାନଙ୍କୁ ଉଦ୍ଧାର କରିବାକୁ ଯାଇଥଲେ ଚାନ୍ଦବାଲି ତହସିଲଦାର । ହେଲେ ଗତ ଶନିବାର ତାଙ୍କ ଦେହ ଅସୁସ୍ଥ ହୋଇ ପଡ଼ିବାରୁ ସେ ଫେରିଆସି ଟେଷ୍ଟ କରିଥିବା ବେଳେ ତାଙ୍କର ରିପୋର୍ଟ ପଜିଟିଭ ଆସିଥିବା ଆଜି ଜଣାପଡ଼ିଛି । ଏବେ ତାଙ୍କ ସ୍ଥାନରେ ଚାନ୍ଦବାଲିର ଅତିରିକ୍ତ ତହସିଲଦାର ଦାୟିତ୍ବ ନିର୍ବାହ କରିବେ ବୋଲି ଜିଲ୍ଲାପାଳ ଜ୍ଞାନ ଦାସ ଟୁଇଟ୍ କରି ସୂଚନା ଦେଇଛନ୍ତି।
88