ଦଳର ନୀତି ଆଦର୍ଶକୁ ପାଥେୟ କରି ସଂଗଠନକୁ ସୁଦୃଢ଼ କରିବା ପାଇଁ ଆହ୍ୱାନ
ରାଜକନିକା,୨୧/୮( ଓଡିଆନ ମିଡ଼ିଆ): ଆଳି ନିର୍ବାଚନ ମଣ୍ଡଳୀର ବିଜେପି କର୍ମକର୍ତାମାନେ କରୋନା ମହାମାରୀ ସମୟରେ ବିଭିନ୍ନ କାର୍ଯ୍ୟକ୍ରମ ଚଳାଇ ରଖିଛନ୍ତି । କୋଭିଡ଼୍ ନିୟମ କାନୁନ ଭିତରେ ଆଳିର ପୂର୍ବତନ ବିଧାୟକ ତଥା ବିଜେପି ରାଜ୍ୟ କାର୍ଯ୍ୟକାରିଣୀ ସଦସ୍ୟ ଦୋଳଗୋବିନ୍ଦ ନାୟକ ସଂଗଠନକୁ ମଜ୍ଭୁତ କରିବାରେ ଲାଗିପଡ଼ିଛନ୍ତି । ସାଧାରଣ ଲୋକମାନଙ୍କୁ ସହାୟତା ଏବଂ ସହଯୋଗ ଜାରି ରଖିଛନ୍ତି । ଶୁକ୍ରବାର ରାଜକନିକା ବ୍ଲକ୍ ଅନ୍ତର୍ଗତ କଂଟପଡ଼ା ବଗିଚାରେ ଆୟୋଜିତ ଏକ ସ୍ୱତନ୍ତ୍ର କାର୍ଯ୍ୟକ୍ରମରେ ବିଜେଡ଼ି ଦଳ ଛାଡ଼ି ବହୁ ସଂଗଠକ ଏବଂ କର୍ମୀ ବିଜେପିରେ ଯୋଗଦାନ କରିଛନ୍ତି । ବିଜେପି ନେତା ବାଦଲ ନନ୍ଦଙ୍କ ସଭାପତିତ୍ୱରେ ଅନୁଷ୍ଠିତ ଏହି ମିଶ୍ରଣ ପର୍ବରେ ପୂର୍ବତନ ବିଧାୟକ ଶ୍ରୀନାୟକ ଲୋକମାନଙ୍କ ପାଇଁ କାମ କରିବା ସହିତ ଏବଂ ସ୍ଥାନୀୟ ଅଂଚଳର ଉନ୍ନତି ହିଁ ଆମ ମାନଙ୍କର ଏକ ମାତ୍ର ଲକ୍ଷ୍ୟ । ଯେଉଁ କାରଣରୁ ବହୁ ଲୋକମାନେ ଆମ ଦଳରେ ଯୋଗଦେଇଛନ୍ତି । ଆଗାମୀ ଦିନରେ ଏହି ସଂଖ୍ୟା ବଢ଼ିବାରେ ଲାଗିବ ବୋଲି ସେ କହିଛନ୍ତି । ମାଣିକପାଟଣା ଗ୍ରାମପଂଚାୟତର ବିଜେପିର ବରିଷ୍ଠ କାର୍ଯ୍ୟକର୍ତା ସଞ୍ଜୟ ଦାସଙ୍କ ସଂଯୋଜନାରେ ଯୁବନେତା ମାନସ ପରିଡ଼ାଙ୍କ ନେତୃତ୍ୱରେ ପ୍ରମୋଦ କୁମାର ଦାସ, ନୃସିଂହ ଚରଣ ରାଉତ, ଜୟ ପ୍ରକାଶ ଦାସ, ସୁବାସ ଚନ୍ଦ୍ର ସାହୁ, ରଞ୍ଜନ କୁମାର ପଲାଇ ଏବଂ ବିଜୟ କୁମାର ଦାସଙ୍କ ସହିତ ବହୁ କର୍ମୀ ବିଜେଡ଼ି ଦଳ ଛାଡ଼ି ବିଜେପିରେ ଆନୁଷ୍ଠାନିକ ଭାବେ ଯୋଗଦେଇଛନ୍ତି । ପୂର୍ବତନ ବିଧାୟକ ଶ୍ରୀନାୟକ ନୂତନ କର୍ମୀଙ୍କୁ ପୁଷ୍ପଗୁଚ୍ଛ ଉତରୀୟ ପିନ୍ଧାଇ ସ୍ୱାଗତ କରିଥିଲେ । ଆଗାମୀ ଦିନରେ ଏକଜୁଟ୍ ହୋଇ ଦଳର ନୀତି ଆଦର୍ଶକୁ ପାଥେୟ କରି ସଂଗଠନକୁ ସୁଦୃଢ଼ କରିବା ପାଇଁ ଆହ୍ୱାନ ଦେଇଥିଲେ । ଅନ୍ୟମାନଙ୍କ ମଧ୍ୟରେ ବିଜେପି ନେତା ବ୍ରଜସୁନ୍ଦର ଭୂୟାଁ, ଜଗନ୍ନାଥ ମହାନ୍ତି, ରାଜ୍ୟ ପରିଷଦ ସଭ୍ୟ ଶଶାଙ୍କ ଶେଖର ସେଠୀ, ମହିଳା ମୋର୍ଚ୍ଚା ସାଧାରଣ ସଂପାଦିକା ପ୍ର୍ରିୟଦର୍ଶୀ ନନ୍ଦ, ଯୁବନେତା ଅକ୍ଷୟ ଦାସ, ରଞ୍ଜନ ରାଉତ, ତନୁଜ ପଲାଇ, କନିକା ସଦର ମଣ୍ଡଳ ସଭାପତି ରାଜେନ୍ଦ୍ର ବେହେରା, ବରିଷ୍ଠ କାର୍ଯ୍ୟକର୍ତା ବେଣୁଧର ପରିଡ଼ା ପ୍ରମୁଖ ଏହି କାର୍ଯ୍ୟକ୍ରମରେ ଯୋଗଦେଇଥିଲେ । ଶେଷରେ ଯୁବ କାର୍ଯ୍ୟକର୍ତା ବିଷ୍ଣୁ ପ୍ରସାଦ ମହାରଣା ଧନ୍ୟବାଦ ଅର୍ପଣ କରିଥିଲେ ।