ଚମକାଇବ କି ପ୍ରଭାସଙ୍କ ‘ଆଦିପୁରୁଷ’

ମୁମ୍ବଇ: ପ୍ରଭାସ ଆଦିପୁରୁଷର ପ୍ରଥମ ପୋଷ୍ଟର ନିଜ ଇନଷ୍ଟାଗ୍ରାମ‌ରେ ସେୟାର କରିଛନ୍ତି । ପୋଷ୍ଟର ସେୟାର କରି ପ୍ରଭାସ ଲେଖିଛନ୍ତି ‘ଅଧର୍ମ ଉପରେ ଧର୍ମକୁ ପାଳନ କରୁଛି’ । ଆଦିପୁରୁଷର ପୋଷ୍ଟର ଦେଖିଲେ ଲାଗୁଛି ଯେ, ଏହାର କାହାଣୀ ରାମାୟଣ ସହ ଜଡିତ ହେବ । ଏହି ପୋଷ୍ଟରରେ ଶ୍ରୀ ହନୁମାନ, ୧୦ ମୁଣ୍ଡ ଥିବା ରାବଣ ଓ ପ୍ରଭୁ ରାମ ଧନୁ ଧରିଥିବା ଦେଖିବାକୁ ମିଳିଛି ।ଦକ୍ଷିଣ ଭାରତୀୟ ଚଳଚ୍ଚିତ୍ର ଜଗତର ସୁପରଷ୍ଟାର ବାହୁବଳୀ ପ୍ରଭାସ ଏବେ ରୂପେଲୀ ପରଦାରେ ଆଦିପୁରୁଷ ସାଜିବେ। ପ୍ରଭାସ ‘ଆଦିପୁରୁଷ’ ଚଳଚ୍ଚିତ୍ରରେ କାମ କରିବାକୁ ଯାଉଛନ୍ତି। ଫିଲ୍ମରେ ପ୍ରଭାସ ଆଦିପୁରୁଷ ଭୂମିକାରେ ନଜର ଆସିପାରନ୍ତି । ତେବେ ବର୍ତ୍ତମାନ ପର୍ଯ୍ୟନ୍ତ ଫିଲ୍ମରେ ପ୍ରଭାସଙ୍କ ଲୁକ୍ ସାମ୍ନାକୁ ଆସିନାହିଁ । ଫିଲ୍ମରେ ଭୂଷଣ କୁମାର ପ୍ରଯୋଜନା ଦେବେ । ଏହି ଫିଲ୍ମ ୨୦୨୨ରେ ହିନ୍ଦୀ, ତେଲୁଗୁ, ତାମିଲ, ମାଲାୟଲମ୍ ଓ କନ୍ନଡ଼ ଭାଷାରେ ରିଲିଜ ହେବ ବୋଲି କୁହାଯାଉଛି ।  ଏହାର ନିର୍ଦ୍ଦେଶନା ଭାର ‘ତାନାଜୀ’ ନିର୍ଦ୍ଦେଶକ ଓମ୍‍ ରାଉତ ବହନ କରିଛନ୍ତି। ଇନ୍‍ଷ୍ଟାଗ୍ରାମରେ ପ୍ରଭାସ ଏହି ଫିଲ୍ମର ପ୍ରଥମ ପୋଷ୍ଟର ଶେୟାର କରିଛନ୍ତି।  ବାହୁବଳୀ ସୁପରଷ୍ଟାର ପ୍ରଭାସ କେବଳ ସାଉଥ୍ ଇଣ୍ଡଷ୍ଟ୍ରି ନୁହେଁ ବରଂ ସାରା ଭାରତରେ ନିଜର ଜଭରଦସ୍ତ ଅଭିନୟକୁ ନେଇ ପରିଚୟ ସୃଷ୍ଟି କରିଛନ୍ତି ।