ପୁଣି କରୋନାରେ ଆକ୍ରାନ୍ତ ହେଲେ କାଳିକାପୁର ଚା’ଦୋକାନୀଙ୍କ ଦୁଇ ସଂପର୍କୀୟ

ରାଜକନିକା,୪/୮(ଓଡ଼ିଆନ୍ ମିଡ଼ିଆ): ଚେରଟଂପଡ଼ାରେ କରୋନା ଆକ୍ରାନ୍ତ ମହିଳାଙ୍କ ବାପା ଏବଂ ମା’ କରୋନା ଆକ୍ରାନ୍ତ ଘଟଣା ପରେ ମଙ୍ଗଳବାର କାଳିକାପୁର ବଜାରରେ ଚା’ ଦୋକାନ କରିଥିବା ବାପାଙ୍କ ସଂପର୍କୀୟ ଦୁଇ ଜଣ କରୋନା ଆକ୍ରାନ୍ତ ବୋଲି ଜଣାପଡ଼ିଛି । ଜଣେ ୩୦ ବର୍ଷୀୟ ମହିଳାଙ୍କ ସହିତ ଜଣେ ୨୩ ବର୍ଷର ଯୁବକ ବୋଲି ଜଣାପଡ଼ିଛି । ଏହି ଦୁଇ ଜଣଙ୍କୁ ମିଶାଇ କାଳିକାପୁର ଏବଂ ଚେରଟଂପଡ଼ାରେ କରୋନା ଆକ୍ରାନ୍ତଙ୍କ ସଂଖ୍ୟା ୧୧ରେ ପହଂଚିଛି । ଏହା ସହିତ ଆଜି ପାରିନୂଆପଡ଼ା ଗ୍ରାମରେ ତିନି ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଯାହାକି ରାଜକନିକା ବ୍ଲକ୍‌ରେ ଗୋଷ୍ଠୀ ସଂକ୍ରମଣ ଆରମ୍ଭ ହୋଇଯାଇଛି । ପାରିନୂଆପଡ଼ାରେ ହୋଇଥିବା ଆକ୍ରାନ୍ତମାନେ ନିଜ ଘରେ ଏବଂ ଗାଁରେ ଚଳପ୍ରଚଳ କରୁଥିଲେ । ସେହିଭଳି କାଳିକାପୁରରେ ମଧ୍ୟ ଆଜି ଆକ୍ରାନ୍ତ ଦୁଇ ଜଣ ଅନ୍ୟମାନଙ୍କ ସହିତ ମଧ୍ୟ ଚଳପ୍ରଚଳ କରିଛନ୍ତି । ଏହି କାରଣକୁ ନେଇ ସ୍ଥାନୀୟ ଅଂଚଳରେ ଭୟର ବାତାବରଣ ଦେଖାଦେଇଛି । ରାଜକନିକାରେ ସଂକ୍ରମଣ ବଢ଼ୁଥିବାରୁ ସ୍ଥନୀୟ ବଜାର ଏବଂ ହାଟକୁ ବନ୍ଦ କରିବାକୁ ସାଧାରଣରେ ଦାବି ହେଉଛି ।