ମାଟ୍ରିକ ପରୀକ୍ଷାରେ ଟେକ ରଖିଲେ ଗରିବ ଛାତ୍ରୀ ସୁଶ୍ରୀ ଚିନ୍ମୟୀ ।

ଜଗନ୍ନାଥ ପ୍ରସାଦ,୧/୮(ଓଡ଼ିଆନ ମିଡିଆ):ଚଳିତ ଶିକ୍ଷା ବର୍ଷର ବାର୍ଷିକ ମାଟ୍ରିକ ପରୀକ୍ଷା ଫଳାଫଳ ଘୋଷଣା ବିଳମ୍ବିତ ହେବା ନେଇ ଶିକ୍ଷାର୍ଥୀ ଓ ଅଭିଭାବକ ମହଲରେ ଉତ୍କଣ୍ଠା ସୃଷ୍ଟି ହୋଇଥିବା ବେଳେ ରାଜ୍ୟ ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ଗତକାଲି ଫଳାଫଳ ଘୋଷିତ ହୋଇଅଛି । ରାଜ୍ୟରେ ପାସ୍ ହାର ଆଖି ଦୃଶିଆ ଭାବେ ବଢିଥିବା ସହ ତୁଳନାତ୍ମକ ଭାବେ ବାଳିକା ଶିକ୍ଷାର୍ଥୀ ବାଳକ ଙ୍କ ଅପେକ୍ଷା ଭଲ ଫଳାଫଳ ରଖିଥିବା ଜଣାଯାଇଛି । ଏହି ଫଳାଫଳ ଗଞ୍ଜାମ ଜିଲ୍ଲା ସ୍ତରରେ ମଧ୍ୟ ଆଶାନୁରୂପକ ଭଲ ହୋଇଛି। ଏ ସବୁ ଭିତରେ ଭଲ ଖବର ଆସିଛି ଜଗନ୍ନାଥ ପ୍ରସାଦ ବ୍ଲକରୁ । ଛାମୁଣ୍ଡା ଗ୍ରାମ ସ୍ଥିତ ଉଦୟନାଥ ବିଦ୍ୟାପୀଠ ନିପଟ ଗରିବ ଛାତ୍ରୀ ସୁଶ୍ରୀ ଚିନ୍ମୟୀ ବେହେରା ୫୧୭ ମାର୍କ ରଖି ଉତ୍ତିର୍ଣ୍ଣ ହେବା ସହ ଅନୁଷ୍ଠାନର ଟେକ ରଖିଥିବା ଜଣାଯାଇଛି । ପିତା ଭଗବାନ ବେହେରା ଓ ମା ପ୍ରଭାସିନୀ ବେହେରା ଝିଅ ର ସଫଳତା କୁ ନେଇ ବହୁତ ଗର୍ବ ଅନୁଭବ କରୁଥିବା ପ୍ରକାଶ କରିଛନ୍ତି।