ସ୍କୁଟି ଚାଳକଙ୍କୁ ଚାପିଦେଲା ବସ୍ ,ଉତ୍ତ୍ୟକ୍ତଲୋକ ପୋଡିଦେଲେ ବସ୍

ମାର୍ଶାଘାଇ ୨।୯: ସ୍କୁଟି ଚାଳକଙ୍କୁ ଚାପିଦେଲା ବସ୍ ,ଉତ୍ତ୍ୟକ୍ତଲୋକ ପୋଡିଦେଲେ ବସ୍ ମର୍ମନ୍ତୁଦ ସଡକ ଦୁର୍ଘଟଣା । ସ୍କୁଟିକୁ ଧକ୍କା ଦେଲା ବସ୍ । ଘଟଣାସ୍ଥଳରେ ସ୍କୁଟି ଚାଳକଙ୍କ ମୃତ୍ୟୁ ହୋଇଛି । କେନ୍ଦ୍ରାପଡା ଜିଲ୍ଲା ମାର୍ଶାଘାଇ ଥାନା ଜାତୀୟ ରାଜପଥ ୫(କ)ର ହଳଦିଆ ଗଡା ନିକଟରେ ଏହି ଦୁର୍ଘଟଣା ଘଟିଛି ।ସୂଚନା ଅନୁସାରେ ଆଜି ସକାଳୁ ୫ ନମ୍ବର (କ) ଜାତୀୟ ରାଜପଥରେ କୋଲକାତାରୁ ପାରାଦୀପ ଅଭିମୁଖେ ଯାଉଥିବା ଠାକୁର ଅଗ୍ନିସୁନ୍ଦର ଯାତ୍ରୀବାହୀ ବସ ଡବ୍ଲୁବି ୪୧ଇ ୬୦୧୨କୁ ଧକ୍କା ମୁହାଁମୁହିଁ ଧକ୍କା ଦେଇଥିଲା । ଏହି ଦୁର୍ଘଟଣାରେ ମାର୍ଶାଘାଇ ଥାନା ଅନ୍ତର୍ଗତ ହଳଦିଆ ଗାଁର ବାବୁଲି ନାୟକଙ୍କର ପୁଅ ବିକାଶ ନାୟକ (୨୫)ଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିଲା । ଜାତୀୟ ରାଜପଥ କଡ଼ରେ ସେ ପାନଦୋକାନ କରିଥିଲେ । ସେ ନିଜ ସ୍କୁଟିରେ ସଉଦା କିଣିବାକୁ ଯାଉଥିବା ବେଳେ ରଙ୍ଗ ରୁଟରେ ବସ ଆସି ମୁହାଁମୁହିଁ ଧକା୍କା ହୋଇଥିଲା । ‘ଲୋକନାଥ’ ନାମକ ବସ୍ ଟି କଲିକତାରୁ ପାରାଦ୍ବୀପ ଯାଉଥିଲା । ବିକାଶଙ୍କର ମୃତ୍ୟୁ ପରେ ସ୍ଥାନୀୟ ଉତ୍ତେଜିତ ଲୋକେ ବସକୁ ଅଟକାଇଥିଲେ । ସେମାନେ ବସକୁ ଭଙ୍ଗାରୁଜା କରିବା ସହିତ ଏଥିରେ ନିଆଁ ଲଗାଇ ଦେଇଥିଲେ । ମାର୍ଶାଘାଇ ଦମକଳ ବାହିନୀ ସୂଚନା ପାଇଁ ପହଂଚିଛି । ଦମକଳ ବାହିନୀର କର୍ମଚାରୀମାନେ ନିଆଁ ଲିଭାଇବାରେ ନିୟୋଜିତ ଅଛନ୍ତି । ଘଟଣାସ୍ଥଳରୁ ବସ୍ ଡ୍ରାଇଭର ଓ କଣ୍ଡକ୍ଟର ଫେରାର ହୋଇଯାଇଛନ୍ତି ।